天王華仔見巨鴨 讚好「Duck」

放大圖片

　香港文匯報訊　曾經暢遊世界多個地方的充氣橡皮鴨近日登陸香港，這隻可愛的黃色巨鴨未「游」到去海港城，已成功俘擄不少港人的心，即使連天王劉德華（見圖）也不例外。向來工務繁忙的華仔特別改動其他工作檔期來遷就，以一見巨鴨風采。當日，團隊及工作人員一行數十人，佔用了碼頭一大個位置作準備工夫。工作人員先把沖涼鴨放於海中充氣，不過現場風勢不弱，花了好一段時間才成功用石躉固定鴨子。華仔就跟團隊夾好時間準時現身，在現場指導拍攝的策展人兼創作總監先把「鴨爸爸」Hofman介紹予華仔認識，二人一見如故，洽談著鴨子的製作過程及其遊走歷史，其後二人更在巨鴨前留影。

　問到對「鴨子」的初印象，華仔說：「估唔到原來真係咁大隻，佢有一首郵輪咁大，場面好壯觀，而且顏色鮮明漂亮，見到佢成個人心情即刻輕鬆晒！」問華仔小時候可有玩過沖涼鴨嗎？他說：「有呀！記得小時候都有玩過沖涼鴨，更要媽咪特登搵個盤仔放水畀我沖涼。今日見到佢就好似返咗去童年時代，不過佢就變大了，我就變細了，好有趣！」