 放大圖片
香港文匯報訊 陳雅倫(圖中)與李思捷的緋聞最近鬧得熱哄哄，陳雅倫日前亮相節目接受訪問時就大呻與李思捷傳緋聞而搞到無人追，希望真命天子快點出現，她還大爆好友黃秋生曾致電她，表示堅信以她的Taste，絕不會揀李思捷做男朋友。陳雅倫多番強調：「我都係普通女人，鍾意人嗲，鍾意人哄，好想有人追。」
當日陳雅倫被主持人問及與李思捷的緋聞是否屬實，陳雅倫即大叫：「假呀！真係唔係呀！李思捷不嬲叫我做『家姐』，我當佢係細佬。」但有另一主持人質疑道：「啲相影到晒喎。」陳雅倫二話不說，站起來，攬著主持人來示範影相角度如何將「無嘢」影到「有嘢」；陳雅倫表示：「根本係『借位』同『看圖作文』，完全唔係�膠^事。」陳雅倫還大爆與李思捷傳出緋聞後，好友黃秋生第一時間致電她，表示：「全世界唔信你，我都信你，以你嘅Taste，點會揀佢呀？」雖然陳雅倫矢口否認與李思捷撻著，但不忘大讚李思捷，「佢係好乖嘅男仔，以前啲緋聞全部都係假嘅。」
歡迎男士追求
談到自己的感情狀況，陳雅倫大呻：「希望追求者快啲出現，我好容易追嫁咋，快啲嚟追我啦。」被問到會否介意姊弟戀，陳雅倫甜笑道：「我鍾意成熟型，不過鍾意我嘅人嘅範圍好大，細我十幾年又有，大我十幾年又有，真係由90後到60幾歲都有。」陳雅倫繼續鼓勵有心人追她：「我真係好嚮往婚姻，我係個好重視家庭嘅女人，可以為咗家庭同生小朋友而放棄事業。」
|
放大圖片
