 放大圖片
■o靚模王璐瑤、黃榕、趙詠瑤及黃煦珽以火辣泳裝力撐艾威。
艾威是一位資深演員，去年從TVB轉投王維基的香港電視，一劇接一劇，演藝事業發展前所未有的暢順，在劇集《三面形醫》可以初嚐一線男主角。早前，在其新書《情聖之賭神終極一注》記者會上，王維基更拖馬撐場，可見其受重用和尊重。艾威昨日登上遊艇為新書造勢，請來o靚模王璐瑤、黃榕、趙詠瑤及黃煦珽以火辣泳裝力撐。
要說賭神當然是發哥(周潤發)在《賭神》中形象深入民心廿多年，最近有隱世「賭神」艾威寫書講賭神，艾威稱自己本小說附送賭神秘笈。他說：「雖不能像發哥神乎其技變出樸克階磚3，我好喜歡研究學術數學，研究人與事，在好奇心驅使研究呢條百家樂。有些事不試過又唔知，試過原來係可以。」他決定要將其研究經年，一再改良的秘笈公諸於世；是他對自己承諾要在五十歲時做些事，不然像是一事無成。搞到出賭神秘笈是否很擅長賭？艾威卻強調自己不好賭，只是愛好研究學術數字，並忠告市民爛賭如倒錢落海，好易輸咗頭家。
佩服李小龍哲學
回想在無綫跑龍套的日子，艾威自嘲說：「直情黐線，黐住2、3線，3、4線；4、5線。」入行廿多年，拍電視及電影相信不下百多部，其中滿意甚或印象較深刻的，他不假思索道：「戲份重些有03年的《戀愛自由式》，仲有好耐之前的《情濃大地》，我做大反派，成套戲由我牽引，是一個主導地位。」
做演員做上癮之最大原因，相信是可扮演一些想也沒想過的角色，正如艾威在劇集《三面形醫》內，飾演婦產科醫生，怪不得連他自己也言突破。「開頭在訓練班那陣，老實講我身手唔錯，所以好多時派我做打手，好多人都以為我是動作演員，其實是沒動作動作的演員，哈哈，唔打得，之後冇耐，覺得唔對路，唔可以咁，所以都刻意避開呢類型角色。目前好希望可以演一套戲，裡面有幾個唔同角色造型出現。」偶像人人有，當藝人的雖是大眾偶像，本身也有偶像，艾威說：「偶像，我只得一個李小龍，因為他做到的事，我實在做唔到，亦係好多人都做唔到，好幸運生在這個年代、這個地方，見證一個咁傳奇人物出現，我在街見過他，那陣好細個，怕醜冇走埋去嗌佢。我最佩服他，特別是哲學方面，『盡其在我』呢四個字，好深刻體會同啟發，影響我到現在，沿用至今，每個人想點行，去到幾盡，完全係自我控制，就好似今次突破出書都係靠自我鞭策。」
近日，艾威與林熹瞳經常過澳門與贊助商開會傾宣傳新書，問到不怕惹來緋聞？艾威笑說：「唔怕，佢係我老闆，跟住可能合作出第二本，第三四本呢！」而林熹瞳也搞笑謂艾威只是她一棵搖錢樹而已。
文攝：蜜雪兒
Makeup:Selina@K'sMPAT Hair:James@HH'Hair
|
放大圖片
