演細膽警察 王梓軒見血即暈

放大圖片

　■王梓軒多謝任達華給予機會拍電影。

　歌手王梓軒（Jonathan）近日在新片《迷離夜》中飾演警察，本身已經怕鬼的他更要在墳場打爆先人骨灰龕，他坦言其實真係好驚。任達華首做導演的《迷離夜》今日上畫，找來同是英皇電影的王梓軒合作。片中梓軒飾演一名見血即暈的新紮師兄。問到梓軒華哥做導演，在片場可有罵人?他說：「華哥好嚴，但我從未見過他在片場發惡。話說我在片中是新紮師兄，而華哥又是警察世家出身，好多嘢都執到好正。接拍初時華哥本來要求我把頭髮剷青，但因要拍MV改為戴帽。華哥是一位好Nice的導演，又肯教人，更會親身埋位試戲及講戲。如果佢覺得那個鏡頭唔ok，會重拍。」

　說到今次演出，王梓軒原以為有不少打鬥場面，卻演一位細膽警察，既怕血又怕蟲蟻。而片中一場撞車戲，令他印象難忘。「那場戲一take過沒NG，要真撞車，車頭凹陷，玻璃碎片周圍飛。那有一場是講我見到恐怖嘢會暈，我暈倒在玻璃碎上，對手割損流血。仲有一場是凌晨去墳場打爆先人骨灰龕，雖然骨灰龕係假，但拍的時時候真係好驚。」■文、攝：植植 場地：My Garden