 放大圖片
■許亦妮立志在娛樂圈做出一定成績 。莫雪芝 攝
TVB的AMAZING SUMMER廣告中，最多人談論的相信是穿上比堅尼大騷35D身材的許亦妮(Whitney)，她前年因貪玩而去選港姐，獲季軍及最上鏡小姐名銜，早前憑《老表，你好嘢！》內演巴辣港女Monica D.一角彈出。24歲的她立志在娛樂圈做出一定成績，準備學功夫，肯搏肯捱，相信前途一片光明！
劇集《師父．明白了》是許亦妮第二個劇，今次角色有別於《老表，你好嘢！》中，演繹巴辣港女。對於第一次參與古裝片，扮演穿男裝的女捕快，許亦妮坦言感覺很新鮮。「以前睇TVB劇集，成日幻想自己可以參演其中，今次試過感覺好新鮮。當年參選港姐，純粹貪玩，lastday海外香港小姐競選截止日才決定參選。但呢個決定，是我生命中一個好大的轉折點，娛樂圈就像一個小社會，在這我學懂如何和別人相處。其實參加港姐那幾個月，當中的訓練對我好有用。例如導演教我們要有禮貌，要尊重別人。女仔同女仔分享，學到好多嘢。我沒想過要在這圈幾耐，但始終和公司簽了一份長約，自己都希望有一定的成績。所有嘢都是有付出才有收成，自己算幸運。很多人都覺得我是個沒野心的人，其實我很上進，但與其講太多空話，倒不如做好自己。當初選港姐沒想過入娛樂圈，但既然命運安排入咗呢行，咁就enjoy其中。為了加強自己的競爭力，準備學功夫，no pay no game。我夢想做間諜角色，有機會來到，都要話到畀人知我有這能力。」
難忘在英國留學歲月
擁有35D惹火身材，英國回港的許亦妮亦如一般「鬼妹仔」性格比較熱情，可能亦因如此，故參選期間也出現不少緋聞。小時候隻身赴英國寄宿學校讀書，因為掛念家人而喊足3年，但亦因此而練到獨立性格。「我是細女，對上有3位家姐，媽媽好錫我，所以11歲那年送了我去英國讀書。在英國居住了11年，頭3年每天都因掛念家人而喊。我的學校像一個古堡，一入夜我就好驚，因為好靜、好恐怖，而且媽咪對我好嚴格，同學們逢年過節回家，但媽咪唔准我去同學家，所以我成日望住天空，感覺似坐監。但也多得媽媽堅持送我去英國讀書，令我性格獨立，將來如果我有小朋友，我也會送他去外國讀書。」 ■採訪：植毅儀 服裝提供：Manila Grace
|
放大圖片
