 放大圖片
■講述探訪緬甸愛滋病童經歷時，千嬅眼泛淚光。
香港文匯報訊（記者 李思穎）楊千嬅以聯合國兒童基金會大使身份於7月初遠卦緬甸探訪當地愛滋病兒童，昨日千嬅出席記者會分享當中感受，已為人母的她特別感性，期間在台上談及探訪經歷時一度眼濕濕，又透露整個行程上很掛念愛兒，每到有WiFi地方便爭取同囝囝facetime。
說到千嬅在台上眼濕濕，她謂：「會㗎，我好眼淺講起小朋友和媽媽便會這樣子，但不會讓小朋友見到大人喊，作為媽咪要給BB正面思想，今次去探訪都忍到無喊。」她透露緬甸之行為期一周，由於當地落後很多地方沒有WiFi，當發現某間餐廳門口可以有WiFi，便很緊張打回香港跟囝囝facetime，她說：「現在終明白媽咪以前好掛住我，我勁不孝，如無尾飛陀，更領悟到孝順，多些陪他們。」
半年後始再造人
千嬅近日連開兩部戲，她無奈說：「拍戲時很掛住囝囝便會眼濕濕，相信到囝囝幾歲大我都係咁感性，要成日對住佢。有時我到外地工作幾日回來，囝囝會對我生疏了，又特登整鬼我，只會黐住我媽咪和工人，所以完成手頭兩部電影後便會休息，自己湊返會好一些。現在我走開幾日，返來他又大個咗。現時囝囝返playgroup很易身體不適，每次佢發燒會好擔心，當屋企人帶他看醫生，我便會用電話聲控過程。」
千嬅又滿帶醋意說：「佢識叫爹哋先，咁媽咪呢？佢係蝦我。（你是否慈母？）我會鬧佢，不過佢會望住我笑，我懲罰拍他手仔，佢就自己打自己手仔，佢應該驚爹哋多些，待他6、7歲會帶他去探訪做義工，讓他更懂得珍惜。」問到千嬅稍後休假，會否努力造人？千嬅謂：「4月先開完刀，要菍半年先，調養好身體先得。」
|
放大圖片
