 放大圖片
■克勤(中)坦言在巡唱上跳舞會留力。
香港文匯報訊（記者 凡文）李克勤亮相有線《樂壇第一手》，接受主持鍾健威及可宜訪問。克勤最近推出全新靚聲發燒碟，新碟以翻唱日本樂隊安全地帶主音玉置浩二的歌曲為主題，克勤解釋翻唱的概念：「上世紀80、90年代流行改編歌，香港歌手特別鍾意選用安全地帶的歌，當時有些歌我好鍾意、好想翻唱，但慢了一步畀其他歌手拿咗版權，好開心現在有機會再翻唱這些好歌。」
另外，克勤亦密鑼緊鼓準備即將舉行的巡迴演唱會，問他會否於演唱會跳舞？克勤說：「會跳少少、郁吓咁啦，始終都係以唱歌為主，跳舞留返年尾做《左麟右李》先跳！」談到年尾與校長（譚詠麟）的《左麟右李》十周年演唱會，克勤慨嘆：「真係話咁快就十年！」克勤笑稱做《左麟右李》會「癲好多」：「有些衫平時唔敢著、有嘢平時一個人唔敢做，做《左麟右李》就可以做！兩個人變化大好多，可能有個人陪，大家都豁出去，將自尊鎖埋在夾萬！」以前克勤和校長已試過「性感」上陣，大騷肌肉，問克勤今次會否比之前更激？克勤說：「仲傾緊，未知條底線喺邊！因為校長咩都夠膽做！」
|
放大圖片
