 放大圖片
■周柏豪(左)、顏卓靈有份為動畫電影《風起了》配音。
香港文匯報訊（記者 梁靜儀）周柏豪、顏卓靈及導演黃修平，昨日出席有份配音的動畫電影《風起了》宣傳，三人齊聲表示是殿堂級動畫大師宮崎駿的粉絲。
首次為宮崎駿動畫配音的柏豪，當日有份試音時已很開心，想不到最後會被錄用。戲中雖然要扮聲，但柏豪笑言自小已鍾意扮聲，小時候睇卡通片《足球小將》時，更會將電視機音量關掉，然後與哥哥齊齊扮配音。
近日柏豪捲入抄歌疑雲，他為容祖兒創作的新歌《天窗》被指旋律跟關楚耀舊歌《悲哀代言人》十分相似。柏豪就解釋指流行曲每個年代都有流行的曲風，相似是一件很正常的事，他說：「乜嘢係抄嘅準則，我從來無去研究過連續幾多粒音似先叫抄，因為我從來無諗過要抄，加上一首歌去到觀眾耳仔，要經填詞人、監製同公司去聽，咁多人聽都無問題，首歌先會成立，我從來都無收過法律信件話我抄歌。」他又稱事前並沒聽過關楚耀首歌，不過也會聽返。問到報道出街後，可有聯絡祖兒？柏豪表示沒有。至於今次事件可會影響他將來的創作？柏豪苦笑道：「我聽到呢樣(指抄歌)好唔開心，但唔會選擇去避，因為自己從來無想過抄歌，而事件更迫使他進步，總比沒人理會好，身為藝人都預了，食得鹹魚抵得渴。」
另外，有份角逐金馬獎影后的顏卓靈，笑言很喜歡睇《千與千尋》這部動畫，覺得近期發福的父母很似戲中兩隻豬。問到可擔心會有遺傳？卓靈笑道：「已預咗，媽咪後生時好瘦，我以為自己會似媽咪，點知媽咪兩年前開始中年發福，仲肥到唔見咗下巴，(可擔心提早發福？) 我都想大隻搵，不過有時功課壓力大，體重會跌破100磅。」
|
放大圖片
