 放大圖片
■G.E.M.與張智成擔任評審。
香港文匯報訊（記者 梁靜儀）《2013年度TVB全球華人新秀歌唱大賽》前晚在將軍澳電視城舉行，今屆參賽者水準極高，經過一輪比賽後，最終由來自四川22歲的鄭興琦奪得冠軍，而亞軍的段欣芮亦同樣來自四川，更是鄭興琦的同學，而季軍則由來自澳洲墨爾本的馬守謙，至於香港代表「巨星幫」的謝東閔在第一回合已被叮走。
前晚14位來自不同地方的參賽者，分別進行三個回合比賽，並由觀眾評判團及歌星評判團擔任評審選出冠、亞、季軍，歌星評審包括有G.E.M.（鄧紫棋）、陳奐仁、林曉培、張智成及趙小源。
馬來西亞男歌手張智成在賽後表示冠軍人選原本不是他的首選，他說：「但後尾佢首歌捉住我個心，唱到我心入面。」談到其表妹梁靜茹造人成功，盛傳已懷孕3個月？他表示也替表妹開心，並笑道很早已知道喜訊：「佢有咗個幾月時同我講，我都好感動，我祝福佢，仲成日同佢講佢係最靚的媽咪，（知仔定女未？）無問，生仔咪係天王，生女就係天后。」他又笑言可能會幫表妹湊仔。
陳奐仁與妻常當街咀嘴
G.E.M.表示支持香港電視發牌，而她上一次追的劇已是《宮心計》。對於劉德華也拍片撐發牌，並被網民封華仔為「民間特首」，G.E.M.說：「好似華哥非常有地位、影響力，佢每講一句，號召力都好大，佢可以唔怕後果將心裡的說話講出來都唔怕，對後輩係榜樣。」問她可覺將來也有這天？她指自己入行只得幾年，未必每一樣都有經驗，不過認為對的都會去做，認為支持的都會去講，所以是非比較多。
陳奐仁日前被拍到與老婆當街咀嘴，十分恩愛，談到此事他大方承認，並肉麻笑道：「我BB（老婆）今朝搖醒我睇報道，話好彩影到佢靚，成日都係咁（當街咀嘴）。」問到最激是怎樣？他鬼馬說：「最激唔會在街，在屋企，好似兩隻BB咁喺張床度碌來碌去好舒服。」
|
