 放大圖片
■「古惑仔」積極練舞。
香港文匯報訊（記者 梁靜儀）鄭伊健、陳小春、謝天華、錢嘉樂及林曉峰（阿Lo）昨日為即將在紅館舉行的演唱會進行綵排，五人昨日即場表演跳舞，剛為人父忙於湊仔的小春一臉倦容兼企錯位，而天華及阿Lo經過連月綵排，連身形也變得很弗。
嘉樂表示個唱上有不少環節要跳舞，排舞已排了兩、三個月，他坦言跳舞對他來說很吃力：「一跳舞就成龍上身，尤其係第一次唱歌，我係由零開始，仲要邊唱邊跳，一跳就唔知跳咗去邊。」他又大爆排舞時被天華藐爆，他笑道：「未見過天華咁惡，『摺摺』聲。」天華死撐只是食完飯未撩牙。舞蹈藝員出身的小春表示進度OK，大家日日都有來綵排已很難得，一臉倦容的他被問到是否湊仔很忙？他笑著承認。伊健笑言今次的舞蹈比之前自己的個唱還要多，可說是十年加埋的總和。
另外，伊健對於老婆蒙嘉慧（YoYo）因香港電視不獲發牌要暫時停工，問到是否支持老婆？他說：「支持件事，�蔬蚢q視台入面有好多舊戰友，（YoYo有何打算？）錢銀唔係問題，係精神的問題。」但伊健表示不安慰老婆。說到他的好友黎諾懿叫YoYo疊埋心水生仔？伊健聞言笑道：「叫佢諗清楚先講，叫佢快些結婚。」
|
