|
香港文匯報訊（記者 李思穎）導演錢國偉、陳見飛、吳忻熹(原名吳文忻)、李綺雯前晚出席公開活動，說到錢國偉因陳靜(DaDa)因突然退出辭演《喜愛夜蒲3》，引致跟其經理人施念慈的紛爭問題，問到錢國偉事後有否收過施念慈電話？他表示：「無收過，任何時候都無打過給我，自從DaDa拜完神之後都無傾過偈，一個電話都無收過，道歉電話都無。」
說到DaDa已開記者會公開道歉，錢國偉謂：「唔知。」繼而酸溜溜說：「聽聞佢打給彭浩翔祝佢生日快樂。(你都未生日？)係囉，監製導演好多個，但彭浩翔得一個，算啦，我成績不及人。(《喜愛夜蒲3》爭氣取得好成績？)盡力啦，不是要比較，也不關其他導演事，是經理人方面有問題。」日後他是否不再起用施念慈旗下藝人？「這個世界是圓，唔會話無機會，不過都係二個字誠信。」自言已將事件交給律師處理的錢國偉又忍唔住頸咁話：「我都唔想咁八，但點解黑白調轉，道咗歉認咗錯又好似畀人蝦，黑變白，白變黑。」
另外，吳忻熹（原名吳文忻）透露是因催運改名，新名可以做一等夫人。(算命算到何時生BB？) 她說：「正在努力中，好大壓力，已經睇過中西醫。(會否接受人工受孕？)唔成功都會考慮，不過一步步來，已經39歲，生仔都要盡快，最希望生龍鳳胎，但就喜歡囝囝多一些。」
|
