 放大圖片
■鄭嘉穎與佘詩曼否認「翻撻」 。
香港文匯報訊（記者 梁靜儀）過氣情侶鄭嘉穎與佘詩曼（阿佘），近年多次傳出二人「翻撻」，昨晚二人應邀出席商場聖誕亮燈儀式擔任嘉賓，不過表現生疏，並齊聲否認復合傳聞，嘉穎更形容暫時與阿佘維持朋友關係好好。
昨晚阿佘與嘉穎出席聖誕亮燈儀式時，二人各自拖著小女孩出場，阿佘早前在節目巡禮上因撓住嘉穎而傳出二人「翻撻」，她就多謝緋聞帶挈：「唔係都無今日一齊啦。」她表示工作是公司安排的，問她與嘉穎一起接Job？阿佘說：「無所謂，工作啫。」
嘉穎被問到「情侶檔」接Job酬勞是否較高？他笑道：「吓？咁幽默，係蝕咗o添呀。（公司刻意安排情侶檔搵真銀？）咁你都知？看來你先係高層喎！」說到他們表現生疏？嘉穎稱已企得很貼。
對於《步步驚心》的吳奇隆同劉詩詩公開戀情，有份拍攝該劇的嘉穎表示拍拖公開好正常，他又恭喜日前宣佈結婚的劉愷威與楊冪。問到他與阿佘又可有機會復合？他說：「暫時朋友關係好好，（轉向內地發展感情？）我係無定向發展呀，無得急，出現咗先啦，唔可以為結婚而結婚。」
阿佘遇狂迷大聲示愛
訪問期間一名男狂迷突然衝破圍欄走向阿佘大叫：「佘詩曼我好鍾意你！」隨即被保安制服在地上，該名狂迷更向阿佘道歉：「對唔住，嚇親你，但我真係好鍾意你。」阿佘見狀被嚇到用手按著胸口，已不是首次遇上狂迷的她說：「呢次最驚，（你個樣似好冷靜？）唔係可以點，我已經閃開咗，今日對鞋又咁高，點走呀？」
|
放大圖片
