 放大圖片
■曾志偉看好鍾嘉欣（右）和楊怡今年攞視后。
香港文匯報訊（記者 李思穎）鍾嘉欣和楊怡分別佩戴價值100萬和200萬的鑽飾現身「麥當勞大富翁2013」揭幕儀式，連續3年合作的曾志偉便以獎門人造型出現。志偉即席發揮手獎門人本色跟兩位靚女玩遊戲，結果楊怡贏得雙人地中海郵輪之旅，嘉欣就有機會贏一百萬信用卡簽賬額，志偉便搞笑叫楊怡帶埋大隻哥哥（指羅仲謙）同行，楊怡笑言要邀請志偉，但遭志偉請「食檸檬」自嘲不夠大隻，令楊怡尷尬傻笑。
曾傳TVB力捧嘉欣，因而引來楊怡不滿，不過昨日兩位TVB花旦碰頭，有講有笑，完全沒有芥蒂。對於TVB公佈頒獎禮入圍名單，嘉欣知道有份角逐「最佳女主角」和「最受歡迎電視女角色」，以及兩部有份參演劇集《巨輪》和《幸福摩天輪》角逐「最佳劇集」，為此感到開心。
有指楊怡和鍾嘉欣是勁敵，嘉欣笑說：「咁咪好！識貨有眼光。」楊怡就不覺是勁敵，而且今年會以輕鬆心態面對，又會支持嘉欣攞獎。不過楊怡自言怕無人投自己，所以會投自己一票，嘉欣亦會聽楊怡講投番自己一票。
說到志偉叫楊怡帶埋「大隻哥哥」羅仲謙去郵輪，楊怡笑說：「要度期，而且我怕暈船浪和游水，必須克服。」在旁的嘉欣便幫忙解圍：「不如帶我去，姐妹團，不一定要一對，(你們各自都帶另一半，男方就自費？）哈哈，度彻個期先。」嘉欣即說未望到自己幾時有假期。
志偉弄髒寶珠姐白裙
至於TVB「視帝視后」心水人選，志偉風趣說：「楊怡和鍾嘉欣都有希望，因為佢企喺我隔離，視帝方面，吳鎮宇做得好好，偶像派就係張智霖，子華演出的劇最近頒獎禮播較為著數，因觀眾睇完覺得新鮮便會落票。」
說到志偉辭去「演協」主席後，是否無職一身輕？他謂：「梗係！演協晚會個晚我好早斷晒片，什麼都不記得，開心嘛。」志偉又自爆早前自己的壽宴上，因敬酒時被人一撞，結果成杯紅酒倒在寶珠姐的白色冷裙上，所以欠她一條裙，他說：「一直有問她尺碼，但寶珠姐話唔使，此事令我內疚到不得了，一定要送給她。」
有報道指甄珍和劉家昌離婚，志偉也是從報章得知，因跟他們未熟到通電話的程度，如果是真便很可惜。
|
