 放大圖片
■楊明、黃家樂、陳少邦等圈內友人擔任兄弟團。彭子文 攝
香港文匯報訊（記者 梁靜儀）憑「星夢」唱出一片天奪得第二名而人氣急升的鄭世豪，昨日與拍拖4年的圈外女友Christy（范潔盈）拉埋天窗，於帝京酒店筵開接近40圍。「兄弟團」包括楊明、黃家樂、陳少邦及一班「波友」。
一對新人面對在場傳媒要求咀對咀時，新娘子就臉都紅晒，世豪就只係錫臉交差。問到新郎哥當晚請了幾多位圈中人？世豪就表示不算請了太多圈中人，當中有陳敏之、森美、馬國明。而「星夢幫」要做東華綵排來不到，鄭俊弘一早做完兄弟就要返公司了。世豪表示日後會相約「星夢幫」食飯。
問到「鄭太」最滿意世豪哪部份？她臉紅紅地說：「佢人品同性格。」世豪就即刻表示，「佢為我付出了好多，因為「星夢」，呢排工作多咗，無時間鋪排個婚禮，佢搞晒，想借你哋多謝佢。我成份人工以後畀晒老婆都無所謂。（造人大計？）享受下二人世界先。」
單拖到場的麥長青，就笑言做現金人情最實際，提到「契妹」陳茵媺誕下「小豪子」，麥包就表示，太太昨日已經去了醫院探望茵媺，他說：「我就來飲世豪呢餐，（買咗禮物畀契妹未？）太太今日去畀利是先，禮物就再後補，太太話茵媺好開心，我都未知他們擺唔擺酒，等他們一家返屋企安頓好先再去探她啦，等陳豪實習多點。」
|
放大圖片
