 放大圖片
■陳偉豪(下)認真操練。 資料圖片
作為香港足球代表隊隊長兼「老大哥」的陳偉豪，日前變身「大文豪」，於自己的Facebook發表約8百字的文章，希望鬧醒時下年輕球員。好文一出，頓時引發本地足球壇極大迴響，已經有近千人「畀Like」，無論球迷甚至球圈內人士等，都紛紛激讚。陳偉豪昨坦言今次是對事不對人，只希望勉勵後輩。
陳偉豪有感本地年輕球員對足球事業的心態有問題，操練欠認真，經常埋怨沒有機會上陣，故在Facebook上一抒己見，節錄如下：「有一啲球員，成日覺得自己唔會有機會落場，又或者覺得球隊唔畀機會佢踢，其實......球會同你簽份球員合約已經係畀咗一個機會你，有冇得踢係睇你自己平時點樣去練！如果你以為着起件紅衫就覺得特別好波，所以唔使點練，咁你就應該去買件皇馬波衫日日着喇，仲勁呀！......每個人都有選擇權，如果今日你冇努力過就放棄，第時你離開球圈嘅時候，記住唔好同人講話因為冇保障所以轉行呀！今時今日有邊行係有保障㗎？你講吖......我依家跟你去做喇！都唔好同人講話收入低唔穩定，如果係嘅話我唔會踢到依家喇！」
南華足主羅傑承看罷也大表認同，他在網誌說：「看了，發覺偉豪長大了，真的說出了我和很多人的心聲。」■香港文匯報記者 梁啟剛
|
放大圖片
