 放大圖片
■伍衛國不避忌的大談與劉曉慶、葉玉卿的舊情。
香港文匯報訊 伍衛國日前接受有線《星級會客室》主持人汪曼玲訪問，大談前度女友劉曉慶和葉玉卿。 伍衛國坦言現在不怕重提過去的感情事，並高度大讚兩位前度孝順兼很有毅力。
伍衛國還談起和劉曉慶相處的一些逸事，「2003年時，佢聽我勸唔好在香港買樓，之後樓市跌，佢好多謝我；佢當然係一個好厲害的人，但感覺佢都聽我講，雖然佢唔會表態。」伍衛國曾勸劉曉慶要歸於平淡，但對方今時今日仍活躍於幕前，「我梗係覺得佢應該要聽我講，但係佢個腦唔停得，要不斷向前，佢唔係一個平常人，如果唔係都唔會吸引到我啦！」
被問到會否恭喜早前再婚的劉曉慶，伍衛國簡單回應：「點會唔恭喜？」伍衛國透露與劉曉慶分手後，整整十年沒再談過戀愛，「現在無刻意諗婚姻，如果我要結婚，應該會同劉曉慶結婚，當我唔能夠同佢結婚，我對呢樣嘢（結婚）又有另一種睇法，覺得人生唔一定要有婚姻先幸福，唔係無咗呢個，就搵另一個填補，唔一定要結婚生子才叫完成人生，我唔會為結婚而結婚。」伍衛國覺得戀愛均是緣份驅使，「有個志趣相投嘅伴，我都樂意，好開心，但唔會強求。」
當年與劉曉慶分手時，伍衛國做得很撇脫，他決絕地離開北京返港，連家當也是後來才寄回港，伍衛國表示：「我覺得（分手）已成事實，是不可改變的，所以不需要拖泥帶水。」
|
放大圖片
