 放大圖片
■惠英紅
香港文匯報訊（記者 梁靜儀）惠英紅昨日到新城電台接受薛家燕《開心家天下》節目訪問，早前因傷腳打石膏要待在家中不能郁動，結果長出少許肥腩，不過她昨日卻仍穿着高跟鞋，她無奈的說：「醫生唔畀我着平底鞋，驚腳筋會黐住啲骨，要我着高跟鞋將筋同骨分開。」
雖然腳傷未癒，但她7日後會首次行騷，以及要為新片《那夜凌晨，我坐上了旺角開往大埔的紅Van》宣傳，所以近日已積極減肥希望減去肥腩，她說：「由於行騷有幾件衫幾性感又貼身，為了以最弗狀態行騷，所以最近早餐只食不加糖的牛奶麥皮，晚上又只吃青菜等清淡小份量晚餐，懷疑因此而令到血糖低及引致睇嘢時似打碎玻璃。」
她表示過往也試過出現血糖低，更被人誤以為吸毒過量：「 有一次她到髮型屋整頭髮，突然頭暈及抽筋，整個人瞓了在地上，我問佢哋有無糖？他們以為我吸毒過量暈低，無人理我，又話無糖，我從來唔吸毒，激死！髮型師話見過好多客人都係咁樣突然抽筋暈低，隔一陣就會無事醒番，之後他們搵咗幾粒糖畀我含至無事，但之後我無幫襯就走咗。（是否對方見過有藝人客人吸毒暈倒？）咁就唔知。」
小紅姐又大嘆近日周身病痛，疑因近期為了腳傷服用了太多中西藥，又要吃鹿筋搞到燥熱，引致牙肉發炎，日前更發生恐怖事，她說：「前幾日用牙線時我用力一拉，牙線將牙肉劏開，搞到成口血，原來牙腳那邊發晒炎。」
|
放大圖片
