 放大圖片
■祖兒與小朋友相處甚有心得。
香港文匯報訊 昨晚容祖兒以「麥當勞香港兒童愛心馬拉松大募集隊長」身份出席晚宴，跟小朋友們在台上一同示範伸展運動熱身操，並呼籲大家踴躍捐款支持。祖兒除身體力行支持外也有捐款，得悉在麥當勞之家有一個名為「祖兒樂園」的公園，祖兒興奮不已。
問到可懂照顧小朋友？祖兒說：「照顧佢哋要有耐性、愛護，但同時唔可以太擔心佢哋受傷，要畀啲經歷先得。（咁幾時先擁有自己的小朋友？）一個人會延續自己的全部，包括生命、性格同思想，呢啲真係好特別。但要再有多點準備才可，始終不能夠衝動想生就生，自己還有工作在身。（有冇諗過生？）我唔想話無，但未覺得係適當時候。若要有自己希望是3字頭內有小朋友，事關40歲才生的不能夠跟小朋友經歷太多的開心時光。」問到她是否想與男友劉浩龍一同實現此計劃？祖兒頓時吃吃笑道：「點知啫，（你覺得佢係咪有好基因？）唔知喎，不過佢都係個開心的人，我想個BB開心，呢樣重要過一切。」
提起張耀榮猝死，將會在下月18及19日舉殯，祖兒很可惜因身在橫店拍戲未能出席。祖兒表示前晚聽到消息都哭了很久：「諗起上次見耀榮叔係春茗，仲話要影多啲相因為唔知我幾時再開演唱會，我諗我同耀榮叔係有一種緣分，佢係我好尊敬的長輩。耀榮叔每次來捧我個唱場，也非單單為『打咭』而已，而是真心去欣賞。」
|
放大圖片
