 放大圖片
■鄭秀文在MV裡與幾隻小兔演對手戲無難度。
香港文匯報訊 鄭秀文（Sammi）早前為新歌《火宅之人》拍MV，自從養了一隻貓咪「米米」而瘋狂愛上小動物的Sammi，MV裡與幾隻小兔演對手戲無難度。
穿上露背長裙的Sammi被大風扇狂吹，然後扮暈倒撻落塌塌米，還要與幾隻小兔做對手戲，連續工作近十小時，仍保持良好狀態，表現專業。等候埋位時主動與小兔子傾偈培養感情，又與工作人員大談湊貓經。
其實Sammi與動物甚有戲緣，曾與狗演電視劇，而幾年前她更開始養了一隻貓咪，所以與動物相處頗有心得，她說：「之前我拍過電視劇《寵物情緣》，同大狗做對手戲，當時我有啲啲害怕同咁大隻狗相處，唔係好識同動物溝通。不過幾年前我養咗一隻貓，從此我就開始好瘋狂咁鍾意咗小動物，例如狗，而貓更係好鍾意、好鍾意！同動物溝通的方式，最重要係尊重每種動物的特質，同埋佢哋的個性。好似我隻貓『米米』，佢有自己的個性，要用一個適合佢的方式相處！」
另外，《火宅之人》的歌詞是形容為愛情犧牲一切，甚至引火自焚的人。問Sammi會否為了愛情也不惜一切？她哈哈笑說：「我又唔會咁偉大，不過我會覺得當你選擇咗愛情的時候，會有犧牲的精神。」
|
放大圖片
