|
香港文匯報訊（記者 黃嘉銘）本周末適逢清明節，加上有3個新盤同時開售，令二手市場失寵，睇樓活動受影響。
綜合代理統計，本周末睇樓量由微升2.3%至下跌逾10%不等，相信現時二手業主必須進一步擴闊議價空間，才能吸引買家積極於二手市場睇樓。
預約睇樓周跌逾一成
根據利嘉閣地產研究部數據估算，全港50個指標屋苑僅錄1,525組客戶預約在本周末睇樓，較上周末下跌10.3%，連跌兩周外，並創近6周新低。十大藍籌屋苑周末預約睇樓客量則有約625組，按周減少12%，跌幅稍較大市為多。利嘉閣分析指，周末適值清明節，相信不少業主、用家扶老攜幼前往掃墓，睇樓活動受阻。另外新盤繼續搶攻，二手平盤選擇減少下，客源逐步分流至一手市場，指標屋苑預約睇樓客連跌兩周。
二手入市態度趨審慎
美聯物業董事張子存表示，周六、日（4月5日及6日）15個指標屋苑預約睇樓量錄得約1,151組，較上周末同期續跌約1.5%。張子存指，由於市場上陸續有新盤推出及部署推售，故不少市民在二手屋苑入市態度更趨審慎；加上踏入第二季首個周末，適逢清明節，個別準買家及業主前往拜山，睇樓活動略受阻礙。值得留意，4月18日及21日為復活節假期，屆時二手屋苑睇樓量及成交量或會受到季節因素影響。
中原地產亞太區住宅部總裁陳永傑表示，本周末中原地產十大屋苑錄675組預約睇樓客，按周微升2.3%，睇樓量持續橫行。
|
