 放大圖片
■王祖藍與女友李亞男以情侶檔出席郵輪活動。
香港文匯報訊（記者 梁靜儀）王祖藍與女友李亞男昨日以情侶檔出席郵輪活動，二人並獲贈豪華套房船票，祖藍笑言會留待度蜜月時使用。問到他們是否首次以「夫妻檔」工作？亞男澄清是情侶檔，而祖藍就說：「朝住呢個方向，但暫時未有時間，搵夠錢先，(可會在郵輪上舉行婚禮？)睇吓有無贊助先。」
亞男坦言很開心可以與男友一齊拍拖賺錢，祖藍即說：「係呀，如果再見唔到佢，我哋就嚟分手，成個月都見唔到，我成日喺編輯房瞓唔係見到，自己都好耐無返屋企去見阿媽，不過我哋唔係一齊住。」問到他們以情侶檔接工作，又可會開聯名戶口? 祖藍笑指與女友已無分你我：「我乜都畀晒佢，我嘅即係佢(指李亞男)，佢乜都知，佢知我有幾多身家。」亞男即搞笑說：「淨係知啫，都唔係有。」祖藍笑道：「又有說話聽，要檢討下。」
近日有指祖藍與涉嫌聘請黑工的公司合作，事後祖藍即時在微博發聲明否認，他說：「因為要處理好耐，件事都係前晚先收到，所以早上即刻搵律師，佢針對好多嘢，有好多資料都係錯誤，第一我唔係呢間公司，我請的編劇亦唔係呢間公司，我只係租用呢間公司的辦公室，所以佢所有資料係錯誤。」祖藍謂憑對方所寫的已知是行內人，是哪幫人，他心裏有數。再追問到即是甚麼人做？他說：「我心裡有數就得，發聲明係想講真係唔好再搞，下一步就法律行動，佢講的所謂黑工真係唔係黑工，真係太有趣，佢應該在我身邊『捕』咗一輪。」
|
