 放大圖片
■栢芝(左二)擔任電台節目嘉賓主持。
香港文匯報訊 張栢芝以嘉賓主持身份，在昨日凌晨的電台錄播節目訪問內，大談藝人拍拖之辛酸。栢芝認為媒體喜歡將注意力集中在明星的戀情上，而忽略工作方面，她自言通常不會作不必要解釋，除非是攻擊到她的朋友，並直言：「自己食死貓食到飽兼食到大，就算被冤枉都唔出聲。」
談到如何避過傳媒追蹤，栢芝自有一番計策，她自豪說：「我試過易容，扮男仔，戴假髮，行過啲記者都認唔到我。若然被認出，就會話係萬聖節或愚人節造型，或者係開主題派對。」栢芝又笑言試過匿入車尾箱「著草」：「我好屈得0架，要用電話同司機溝通，問佢甩咗未，我抖唔到氣。下次有男朋友，試吓屈入行李箱。」
即使單拖，栢芝都不喜歡被記者影到，所以要經常諗計竄出街，她無奈道：「藝人苦況係，只要影到一張相，佢哋（指傳媒）鍾意寫乜就寫乜，其實『竄』出去可能係想食茶餐廳。」
當年堅持公開與東東拍拖
栢芝又大讚舊愛陳曉東有勇氣：「我同東東拍拖時，我應該係當年（十幾年前）第一個新人會主動承認拍拖，當時我好堅持要公開，所以喺停車場拖住庋q大家見，不過佢份人不拘小節，都好配合，唔會匿匿埋埋，因為當時大家都愛大家。」栢芝亦讚鍾舒漫及吳浩康公開拍拖的做法是明智的：「因為愈公開就愈冇人跟你。」
栢芝稱未結婚前會豁出去，但自從育有兩子後，就算再拍拖，都明言「蛇咬我都唔會認」，栢芝解釋道：「因為如果唔覺得呢個男人可以付託終身，費事畀囝囝話：『媽咪咁多Uncle嘅？』」
栢芝又認為圈內人要創一番事業，又要顧及形象及粉絲，所以相處比較難，因此現時想找圈外人拍拖，並不會計較對方是否富有或事業有成，因為愛比任何事都重要得多，金錢對她來說，夠食夠住就得，她入行後也曾坐過港鐵、巴士等公共交通工具。問將來的男友如何才可感動她呢？栢芝說：「其實做一樣嘢已經感動到我，就係唔介意我係明星，當係普通人，我都要食飯去廁所，唔係食電池，唔係飲電油，又要唔介意媒體寫佢，咁我就會毫無反顧咁跟從呢個男仔。」
|
