 放大圖片
■任達華自言拍完《冰封俠》不敢食沙冰。
香港文匯報訊 任達華近日亮相《電影蒙太奇》，暢談拍攝新片《3D冰封俠：重生之門》的難忘事。甄子丹今次既是華哥的演戲對手，亦是這部電影動作導演，華哥大讚子丹：「佢對武術好有熱誠及清新感，而且要求好高！不過要求高，電影先會有質素，依個好緊要。子丹花咗唔少心思在打鬥場面，例如有一幕是在長白山拍攝，當地不止好凍，仲有雪崩。全靠大家的努力，我哋先可以在重重困難同惡劣環境下完成這部戲。」
華哥直言在長白山拍攝要捱凍很辛苦：「我平時有做開運動，身體無咩脂肪，所以在零下20幾度的長白山拍攝時更加覺得凍，特別辛苦。」他更直言不想電影再開拍第三集：「《冰封俠》已經拍過第一、二集，大家遇過冰封，同埋有好多危險動作，拍攝太辛苦喇，所以千祈唔好再開拍第三集。我拍完《冰封俠》後，好怕凍，唔敢食沙冰，就連飲嘢都要揀熱飲，no ice！」
此外，電影內有一幕場景是青馬大橋，電影公司早前曾向政府申請於實景拍攝，但卻不獲批准，最後劇組要於舊啟德機場搭建青馬大橋景完成拍攝，華哥也無奈表示：「咁都無辦法，香港有別於韓國、日本及台灣等亞洲地方，佢哋的政府會大力支持電影業。但換個角度去諗，咁樣反而激發電影從業員在逆境中繼續前進，發揮創作力。不過，唔能夠在實地取景，變相會增加電影的製作成本。」
|
放大圖片
