 放大圖片
■吳孟達（右）坦言年紀大體力差。
香港文匯報訊 吳孟達上月因心臟發炎，需入ICU接受治療，幸最終死裡逃生，至本月初出院，不過暴瘦了足足22斤。吳孟達現還需要推掉不少工作，休養半年。
吳孟達早前接受節目《電影蒙太奇》訪問時，也透露年紀大體力差。近年甚少在香港大銀幕亮相的他，今年接拍了彭浩翔執導的《香港仔》，難得接拍港片，吳孟達自言是被導演彭浩翔的才華吸引，他說：「呢十幾年都在內地發展較多，咁啱舊年5月返香港休息，彭浩翔突然搵我，話有部新戲問我接唔接；我本身唔識佢，所以就四出打聽佢係一個點嘅導演，身邊人好多都讚佢係個好有才華同創意嘅特別導演，加上我睇完劇本覺得套戲幾特別，所以就答應接拍。」
首次和彭浩翔合作，吳孟達坦言第一天開工便感到吃力，「第一日係拍我做喃嘸佬（打齋道士）做破地獄法事，本身以為好簡單，但原來係好專業、有功架。彭導演搵咗個喃嘸佬教我點做，步驟同專業術語又多又難記，加上我年紀大體力有限，舞兩下已經氣來氣喘，搞到差啲窒息，真係好累！」
跟吳家麗對戲怕把持不住
此外，吳孟達亦特別提到和吳家麗的激情演出，他說：「我同吳家麗以前成日合作，默契自然唔錯，但近依十幾年都無點碰頭，今次一聚頭就要拍激情戲，所以有啲緊張。以前後生拍激情戲就話有啲睇頭，但我依家都60幾歲，會擔心演得唔夠好，加上吳家麗又靚又性感，我拍嘅時候都驚自己把持唔住，所以緊張㗎！」
|
放大圖片
