 放大圖片
■闊別香港影視圈30年的杜平(右)，接受汪曼玲訪問。
香港文匯報訊 《歡樂今宵》台柱杜平闊別香港影視圈30年，日前接受《星級會客室》主持汪曼玲訪問。溫兆倫、翁虹分別是杜平的契仔和契妹，杜平大爆二人鮮為人知的逸事，「我搵溫兆倫去澳洲登台，佢當時態度好囂，自以為係大明星，於是我捉佢埋一邊傾偈，勸佢要識得放低自己，無一個藝人可以年年都企頭位、企中間，而且頭位、中間位都係人哋畀，你夾硬企埋去都無用，人哋可以叫你行開。到我第二次搵佢登台，佢態度變得隨和咗好多，仲同我講：『不如我唔好叫你做平哥，叫你做老竇啦！』於是我哋正式上契。」杜平也盛讚契妹翁虹十分具責任感，當年杜平請翁虹到澳洲參與慈善演出，但翁虹出發前遇上車禍，但仍然堅持如期赴澳演出。
杜平也談到昔日好拍檔沈殿霞，「肥姐好好心地，好鍾意提攜後輩；佢走咗之後，我專程去溫哥華佢墳前上香同獻花，我好尊重同珍惜呢個好朋友。」杜平回憶與肥姐拍檔的趣事，「那時做《歡樂今宵》趣劇，鄭君綿一唔記得台詞，就話：『我暈喇！』，但係肥姐好嘢，會拉佢起身，叫綿叔唔好暈住，因為仲有嘢要講，啲觀眾以為係度出來，笑到反晒肚。」
杜平在澳洲曾經營房地產生意和美食廣場，但也虧本收場；後來轉為經營日本鐵板燒，一做便19年，他表示自己打理生意親力親為，「因為我餐廳融合咗《歡樂今宵》的搞笑元素，會有掟碗環節，晚晚都係我自己掃地同執垃圾。」杜平特別照顧在澳洲的香港留學生，「好多留學生喺我曙U打工，我哋日日五點鐘開飯，只要喺度打過工就可以來食飯，我希望照顧到佢哋生活，令佢哋安心讀書。」
|
放大圖片
