 放大圖片
■方中信、林家棟及劉青雲(左一至左三)表示他們合作很有默契。
香港文匯報訊 劉青雲、方中信及林家棟亮相有線高清娛樂台《電影蒙太奇》，暢談拍攝新片《竊聽風雲3》的難忘事。談到幾位演員在戲中的「土豪」形象，劉青雲笑言除了形象出位外，角色的塑造及演繹亦很重要，「大家用咗一個比較新潮嘅用語放喺我哋身上，其實我哋幾兄弟放喺任何年代，着任何服裝都係俊朗嘅年輕人，為咗自己嘅事業奮鬥。」青雲表示他們之間的合作很有默契：「可能拍戲時互相感應，拍到最後大家連講嘢嘅tone都好似，同聲同氣。」
家棟則自爆拍戲時意外傷手，連綁鞋帶都無力，他說：「有一幕講方中信要打我，我趴落地時手部先着地，起初都唔為意受咗傷，到收工時痛到綁唔到鞋帶，先知道原來骨膜受咗傷。現在雖然已好番七、八成，但唔可以太用力。」
林家棟除了參與幕前的演出外，過去亦曾參與幕後工作，擔任電影監製。家棟更表示幕後工作好好玩，鼓勵青雲嘗試參與一下幕後工作。青雲卻坦言對幕後工作興趣不大：「幕後工作唔係我擅長嘅工作，我諗最多只會試下做一次導演。」方中信則斬釘截鐵表示：「我直情唔得，我覺得做導演同監製好辛苦，太多責任喺身，依啲都係交番畀家棟算喇。」
|
放大圖片
