 放大圖片
■吳雨霏(中)表示享受以個人方式發展。
香港文匯報訊 吳雨霏亮相有線音樂節目《樂壇第一手》，透露由組合Cookies到最後單飛發展，她說：「第一次自己上台演出時好驚、出晒汗，心跳得好快，要從頭適應過。不過無論係組合Cookies，抑或係之後嘅樂隊Ping Punk都係我人生嘅重要經歷，無以前嘅經歷，今日未必做到我想做嘅嘢。我已經適應一個人演出嘅模式，清楚自己想條路點行，都幾享受以個人方式發展。」
為了展現不一樣的自己，Kary除了找來各方音樂人合作，更從Eric Kwok手上爭取好歌《留不低》成為主打，她表示：「好歌好難遇到，其中一首主打歌更係『爭』番嚟，揀歌時Eric Kwok畀咗首歌我聽，我一聽就好鍾意，但佢之後話首歌原本預留咗畀另一位歌手，好好彩最後首歌《留不低》都落到我手上。」
Kary被問到情願自己樣靚抑或擁有好身材？她笑言：「男仔可能會看重身材多啲，但我自己就覺得樣靚會開心啲。」Kary又表示自己較接受忘年戀多過姊弟戀：「因為我鍾意成熟、穩重、識得照顧人嘅男人。」Kary直言情願嫁個好老公，也不要紅足30年，她認為：「就算事業幾成功都好，到最後都要搵番個對你好嘅人。」
|
放大圖片
