|
香港文匯報訊 側田近日遭桃色新聞纏身，被爆一拖二返私竇，與女子的親密照曝光，昨日他就此事在微博作出回應，：「對於成為娛樂新聞主角嘅我，必須為我嘅家人，朋友同歌迷作出交代：
第一.我已經單身好耐，有特別交代，係因為我講嘢唔叻，唔識表達自己，唔想無端端就嚟自己講分咗手。我只向屋企同經理人公司交代。
第二.事件發生喺大半年前，當時我喺香港未有固定住所，經理人公司為我租咗個Apartment，係我半個屋企，我唔能夠相信喺自己屋企嘅聚會相，竟然大半年後喺報紙出現？嗰種被出賣嘅感受好難受！另外，我必須要為相中嘅女仔澄清，佢哋係我朋友，唔係乜嘢『小姐』。
我知道任何人睇到今次新聞都會覺得:『嘩，呢個側田搞乜鬼？』令愛錫我嘅人擔心，我個心更難受！呢件事令我明白，原來我仲有好多地方做得未夠好，我已經喺度學習做得更加好，所以我會為自己做咗嘅負責任及面對！目前，我會繼續努力作曲，做歌，工作，留守香港，繼續做我嘅單身寡佬！」
|
