傳好友陳敏之結婚 馬國明認為是流料

放大圖片

■敖嘉年、馬國明、李詩韻及林夏薇在戶外熱得大汗淋漓。

香港文匯報訊（記者 植植）馬國明率領敖嘉年、曹永廉、羅鈞滿等為無綫劇《寒山潛龍》宣傳到學校，眾男演員與學校足球隊比賽足球，而女演員李詩韻、林夏薇、陳自瑤等化身啦啦隊在場外為一班男藝員打氣。

一向有踢開足球的馬明在場上hea爆，他解釋因天氣熱，而且要回公司開工，不能去到太盡。對於《寒》劇收視下跌，但馬明表示對新劇充滿信心，他表示可能因為大家話題在世界盃，但上網睇套劇反應幾好。至於有觀眾投訴劇集服飾和用語跟宋代有差別，他強調好睇個人點睇，為表現角色是低下階層才會較市井，但無粗口，不過會接受意見。另外，問到好友陳敏之結婚一事，馬明表示敏之沒通知佢，所以應該是流料。

問到他怎看巴西與德國的世界盃四強大戰？馬明說：「我沒有睇直播，但得知賽果後相當愕然。自己比較睇好德國，但個比數身邊朋友都話非常假，覺得係有陰謀論。」

林夏薇被問到會否喜歡識踢波的男仔？她表示自己鍾意健康、做運動的男仔。她透露有時間亦會睇世界盃賽事問到有否男士相約睇波？她說：「有，咪同成班同事在公司一起睇，晚晚都趕拍攝，前晚都是在化妝間睇咗陣。」

阿倫身處巴西不敢周圍去

正身處巴西看世界盃的譚詠麟，透露當地的觀眾看到巴西以一比七慘敗給德國，都驚呆了，事前大家都頗為看好巴西，想不到後防完全崩潰，令很多人都大跌眼鏡。而他知悉尼馬傷出後，他也早說過巴西會有危險的。

阿倫又坦言因擔心巴西輸波後，當地會引發騷亂，並聽聞有人燒車洩憤，於是食完飯即返回酒店，周圍都不敢去。