薛凱琪等待真感情到來

放大圖片

■薛凱琪深信愛情要來的時候，多忙也會找上門。

多年沒拍拖 緋聞是假的

薛凱琪（Fiona）給外間的印象是一個開心果，但原來這個在溫室下成長的80後，曾經因為事事過分執�茼茈O自己患上抑鬱。十年成長路，32歲的Fiona明白一切自有定數，就像感情事，急也急不來。她深信愛情要來的時候，多忙也會找上門！

薛凱琪將於9月在紅館舉行《ADIDAS presents TONIGHT FIONA LIVE 2014》演唱會，紀念出道十周年。今次演唱會採用四面台，為了做好這個演唱會，早於半年前已經積極為個唱操fit。「其實2年前第一次在紅館開騷，見到全場觀眾每次唱到快歌時，都會企起身一齊跳，興奮得好似開派對咁。所以當初同公司傾今次再開騷，個唱以勁歌熱舞為主，希望營造置身嘉年華的感覺，跟歌迷齊齊唱跳。半年前已經開始練體能，在教練指導下做適量運動。好好彩自己不用節食減磅，加上做運動原來有助減壓，所以都不覺辛苦，並已練到手臂有『老鼠仔』，我只想練出馬甲線已經好滿足。像決定開演唱會之前，我自己都會搵排舞老師練舞，佢都問我，又唔係出碟，又唔係開show，點解仲會搵佢練？我一直都覺得，每個moment都要令自己處於ready mode，一有機會的時候，就可以將自己最好一面畀到fans睇。只要有工作，我就唔會覺得�ョC」

被Paco叫停工作

10年前，薛凱琪憑一首《奇洛李維斯回信》令她成為當年熱爆新人。十年後的紅館個唱，對Fiona來說是一個紀念，也是對她偏執於這一行的最大嘉許。經理人黃柏高(Paco)曾公開表示跟薛凱琪合作是很開心的，她似有用不完的精力，每件事情都全情投入去做，而更因小妮子半夜在工作，而被Paco罵。「識我的人都知道，我不善於social，因為唔熟的人我不會傾偈。後來我轉唱片公司，只是同Paco見過一面，可能大家都係獅子座，所以一拍即合。Paco都話我係『工作狂人』，記得有一次佢試過搶去助手的電話跟我說：『現在幾點鐘？還談工作！』但因為我真係好鍾意工作，連人在外地見到有咩靚�洁A都會立即影下來，希望下次工作時可在此找到創作靈感。但我真係好多謝Paco對我的信任，為了今次演唱會，公司幫我推�鬫n多片約，畀我留空三個月去專心練歌、排舞，令我做得更加好！」

找男友最重要專一

32歲的薛凱琪是家中獨女，香港土生土長的她，小時候家境富裕、從小讀國際學校，所以性格似鬼妹仔。相對於Fiona不停地談工作，記者對她的感情事更感興趣。22歲出道，她的緋聞男友水蛇春咁長，當中最為人熟悉一定是房祖名及方大同，之後又出現過黑人Reggie及音樂人男友Fergus。異性緣盛的Fiona堅稱單身已久，雖然如此，薛凱琪揚言隨時ready拍拖。「我講�鬫n多次那些只是緋聞，其實我已經好幾年沒拍拖。沒拖拍幾年，我好彩仲唱情歌，仲有一個身份係演員，我可以在拍戲、唱歌時談戀愛，提醒我拍拖是什麼感覺。你問我男友要叻嗎?不需要，但一定要專一同愛我，I'm so ready拍拖，我想找一個大家可以一齊行一條好長的路，暫時未有機會同一個這樣的人拍拖。但我會靜待上帝安排，因此我不信坐下來不工作就會遇到真愛，愛情要來的時候，多忙也會找上門。」

採訪：植毅儀

攝影：莫雪芝

服裝：Sacai Luck from Lane Crawford(Jacket&Shirt)、 Cameo from The Collectives(Shorts)

化妝：Jessica Chan

髮型：Jo @ Salon Queens Private I