 放大圖片
香港文匯報訊 Janice Man (文詠珊) 加盟新公司，周五將舉行盛大記者會，為配合新動向發布，J M日前親自構思拍攝不同造型宣傳照，她透露已做好準備全力投入新工作，並已報讀英文、國語和鋼琴課程充實自己， J M說：「我希望學好英文同普通話，呢兩樣嘢幾時都有用，所以要準備好。最近我接到個劇本角色係做演奏家，角色幾好，鋼琴讀書時我學過，咁pick up 返都唔難，現在練習定，機會來到時就可以好好把握。」
入行十年，現年25歲的J M成熟了不少，除簽約新公司，最近還自組公司「J M workshop」大展拳腳，她表示除了希望事業上能有突破之外，也直言是為了賺多一些錢，原來孝順的J M有個心願，希望憑自己的能力，讓父母在5年內退休。
J M說：「爹哋、媽咪一直有做嘢，見他們年紀開始大，我唔想佢哋老咗之後都仲要捱得咁辛苦，希望喺5年之內，可以安排爹哋、媽咪退休，所以呢5年我會全力出擊，盡力接多些工作搵多點錢。以前我做嘢方向係重質唔重量，現在對我來講，賺錢係重要咗，但我都唔會將錢銀放在第一位，因為工作質素一樣好重要，我會在質同量之間取得一個平衡，尤其在接電影方面，大前提一定要睇角色好唔好，有冇得發揮，錢反而係其次。」
原來J M和家人在香港並沒有物業，她一直想買層樓讓父母安居，奈何這幾年香港樓價高企，希望可以明年實行她的置業大計。J M說：「其實層樓的首期我已經有，但係現在好似唔係買樓的好時機，反正都等咗一段時間，如果樓價回落返少少，跌少少我都會即刻買，嚟緊有時間我會四圍睇樓，做定功課先，希望出年可以成事啦。」
|
放大圖片
