 放大圖片
■羅家英(左)剖白十年內兩度割除肝腫瘤的心情。
香港文匯報訊 羅家英日前接受有線《星級會客室》訪問道出圈中各種際遇，並大談十年內兩度割除肝腫瘤的經歷，家英哥坦言情緒一度十分低落，更一度出現抑鬱症狀。
家英哥十年內兩度割除肝腫瘤，他不斷呼籲觀眾要定期進行身體檢查，「一定要抽血檢查埋肝嘅癌細胞指數，因為肝有腫瘤都唔會痛，通常到發現時已經係晚期；細路仔就要去打預防針。」羅家英透露當發現自己肝有腫瘤時，心情低落了一陣子，「唔開心咗幾日，我同自己講要開心番，因為始終要面對，我繼續去揼骨、踢波同唱歌。」家英哥坦言相隔十年，第二次再次面對割除肝腫瘤手術時，不及第一次般樂觀，「今次可以話係鬱鬱不歡，個人無晒活力，可能有少少心理問題，因為上次完全清除咗腫瘤，今次個腫瘤有條血管同其他血管搭上了，所以唔知癌細胞有無擴散。」
家英哥八歲開始跟隨父親習粵劇，在梨園界德高望重，後因緣際會加入電影圈，拍下多套令人捧腹大笑的經典喜劇，他分享與周星馳拍戲的點滴：「周星馳好有童真，好好玩，好好傾，不斷同我傾偈，傾到大家無芥蒂，佢唔介意人哋搶佢戲，甚至最鍾意人哋搶佢戲，若果你夠搶，佢有方法再搶啲，好有火花。」
明年便是羅家英在梨園界六十周年，被問到粵劇的前路，羅家英樂觀表示現時是粵劇界的小陽春，「雖然不斷有人講：『啲觀眾咁老，十年後，無人睇粵劇㗎喇。』但係其實不斷有新觀眾，亦不斷有新人加入學粵劇，所以一定可以繼續做落去。」
在阿姐面前屬弱勢
家英哥與汪明荃於2009年於賭城拉斯維加斯結婚，談到與阿姐的相處之道，他說：「我哋錢銀分得好清楚，佢搵到錢係佢嘅，我搵到錢係我嘅，我住佢間屋都會交租畀佢，去旅行時，都會事先講明邊個出邊部份嘅錢。」對於外界指他與阿姐「女尊男卑」，家英哥豁達表示：「絕對係，佢真係強勢，我識佢之前，佢已經係強勢，唔會識咗我之後變弱勢。」家英哥坦承表示仍時與阿姐有拗撬，「仲磨合緊，通常都係我就佢，我收聲囉。」
家英哥亦透露遺憾自己沒子女，「傳宗接代係中國人最重要的事，我老竇生三個仔，但係三個仔都唔生仔，都算係我人生遺憾。」
|
放大圖片
