 放大圖片
■許志安與名模Mandy Lieu一身冬裝出席活動。
香港文匯報訊 許志安與名模Mandy Lieu前晚出席時裝品牌活動，二人一身冬裝打扮，安仔就穿上大褸及圍上頸巾，而Mandy則穿上毛毛褸，熱得他們臉上泛紅。安仔談到對一身裝扮的感受如何時？他帶笑道：「自己體溫現在在套衫裡面發緊燒 ，不過入行都已知道，夏天就要你拍雪山飛狐，冬天就扮好熱，試過在橫店拍戲，雖然已着了打底衫，但都凍到頂唔順，要去炭爐度取暖，又試過去加拿大拍MV，在零下三、四十度之下，凍到講唔到話，要返香港配過音，畀我揀我寧願咁熱都唔想好似那時咁凍。」
近日有報道指鄭秀文(Sammi) 為了十二月的個唱操fit，搞到哮喘發作？安仔指女友決定了做一件事就唔會放手。問到叫Sammi錫身？安仔明白觀眾想睇她fit的一面，不過換了是他就會飲啖奶茶抖下先。談起減肥，安仔自爆試過為操fit，做大量運動，但卻吃得很少。
同場的Mandy透露即將要去上海拍電影《破風》，飾演彭于晏的女朋友，問到可會要求加插與男神有親熱戲份？Mandy說：「之前在《太極》已經嘴過，(加床戲？) 《破風》都不是那種戲！」早前與太陽娛樂老闆周綽華傳出緋聞，問到Mandy與「那位男士」可有聯繫？她裝傻反問：「邊個呀？我同好多男士有聯繫。（周生呀？）嘩，仲講這些？舊聞嚟啦！（之前影到你們歐遊？）舊聞啦，過去了。（咁有無一打男士追求你？）咁又無，總之開心啦，希望自己順順利利啦。」
|
放大圖片
