 放大圖片
■古天樂及楊千嬅再於新戲《單身男女2》飾演情侶。
香港文匯報訊 古天樂及楊千嬅繼《乾柴烈火》後再於新戲《單身男女2》飾演情侶，二人亮相節目接受主持專訪，暢談拍攝新戲的難忘事。楊千嬅表示雖然與導演杜琪峯多次合作仍感到緊張；古天樂指在戲中他需攀爬大廈，消耗很多體力，同時又要唱歌，這場戲特別辛苦。
主持問千嬅當媽媽後再演單身角色有何感受，千嬅透露：「做咗媽咪之後再演單身，更加知道點為之單身，我第日會教阿仔點樣好好享受單身生活。」千嬅又提及與「仔仔」周渝民一場落水戲，「我唔識游水，當時真係好緊張，但杜Sir在場我已經唔識再緊張。當時我啱啱生完，個身好重，個人唔協調，仔仔要抱起我，我又不斷掙扎，拍咗半個鐘，搞到佢面都青晒。」
談及與周渝民的合作，千嬅表示仔仔好親切，但性格有點內向；戲中仔仔要講很多法文，原來他回家很努力練習，所以拍攝效果很好，大家都以為他真的懂法文。
古仔感覺深刻的一場戲是需攀爬大廈，「當時無嘢傍住，手都震，又流晒大汗，消耗好多體力；同時又要唱歌，這場戲特別辛苦。」提到拍攝到最後一天，他都不知道結局如何。「戲入面可唔可以得到高圓圓，我到最後一刻先知道，可能想我哋情緒可以緊張啲，二嚟場戲仲有嘢改，拍杜Sir嘅戲都慣咗呢個模式，可以隨時執生。」
|
放大圖片
