 放大圖片
■張天愛(右)向黎燕珊暢談經歷四段婚姻的心路歷程。
香港文匯報訊 女強人張天愛多年來勇於沐浴愛河，近日應主持黎燕珊邀請，亮相有線愛情紀實節目《往事．並不如煙》，於節目中暢談經歷四段婚姻的心路歷程。
張天愛9歲時，家人便送她到英國接受專業又艱辛的芭蕾舞訓練，如單腳站立、腳尖豎立等，因為要保持身段，經常不能吃飽，生活像軍訓一樣。雖然過程辛苦，但就培養了張天愛成為一個獨立又感性的女強人。她媽媽經常教導她人生太短暫，不要浪費時間，因此亦影響了她對愛情的看法，認為有問題出現時，不要拖泥帶水，各行各路是解決方法。
張天愛認為愛情不一定要一生一世，只要擁有過便足夠。19歲的張天愛開展了第一段婚姻，但只經歷了短暫的17個月，張天愛表示「當時決定結婚係為患了癌症的媽媽沖喜，媽媽見到我結婚，好開心。」談及第二任丈夫邢李火原，「佢對我好細心，當時我都好乖，佢叫我企就企，坐就坐。佢都好支持我事業，後來我為了搵出自己嘅路，決定離婚，我哋有共識，邊個結婚先就邊個養個女，因為我成日飛來飛去，根本冇時間照顧女兒。其實我好感謝林青霞，佢對我個女好好，見到佢哋好似好朋友咁，我真係好開心。」
仍然相信愛情
張天愛又分享與女兒邢嘉倩的趣事，「我同個女的感情都好好，我記得佢嗰陣唔係好大個，我都會帶佢見我啲男朋友，如果遇上女兒不喜歡的，佢會嘗試嚇走佢哋。個女會趁我去洗手間時，同我男友講我媽咪表面好鍾意你，其實佢唔係㗎，佢會變㗎。」女兒又曾經跟她的男朋友說她有精神病，令她啼笑皆非。
黎燕珊問張天愛如果眼前再有一位真愛出現，會否考慮再結婚？她表示：「我會同佢講，我已經同文化藝術結咗婚喇，我哋可以結合，但真係唔需要結婚喇。我仍然相信愛情，所以會繼續勇往直前。」
|
