 放大圖片
■楊千嬅大讚周渝民敬業。
未收身拍求婚戲 苦了對手
香港文匯報訊 楊千嬅、吳彥祖、周渝民、高圓圓以及導演杜琪峯等前晚到奧海城，為新戲《單身男女2》舉行慈善首映禮，門票部分收入將撥捐支持「樂善童心-協助特殊學習需要兒童計劃」。
早前千嬅在內地宣傳新戲，獲大會安排仔仔重演戲中向她求婚一幕，問到仔仔會否很緊要，千嬅卻先搶答怎麼會，仔仔亦附和道，暫時自己僅是拍戲時有求婚的經驗。說到他要在戲中抱起千嬅，千嬅頓時笑說：「佢簡直好似愚公移山，因為當時我剛生完BB七個月左右，未收身，佢好敬業啊，仲睇到佢好大隻、好強壯，我好難忘，到依家都唔敢再睇翻套戲，因為真係好腫，呢晚我叫老公（丁子高）睇先，但佢唔可以話我唔好，全世界可以話我，但佢唔可以。」仔仔表示確實有抱起來，因那場是要近鏡拍攝。
提到之前古天樂指杜Sir有計劃開拍第三集，仔仔表示若導演有需要他這角色再出演，參與演出也沒問題：「之前我有跟圓圓說過，如果第三集是發現其實我不是她的哥哥，那就真的超亂來﹗」千嬅再笑或許可以吳彥祖變古裝超越時間返回現代，而自己就是飾演對方的後世：「不過其實我係人妖，嘩，咁呢套一定係鬼片﹗(咁仔仔咩角色？)咪做太監囉，好邪啊，杜Sir聽到一定鬧爆。」
吳彥祖唔介意演同性戀
至於吳彥祖與圓圓相隔年多再見，圓圓亦已榮升人妻，問到可有催她生小朋友？吳彥祖覺得不可逼人：「咁樣唔公平，生小朋友好大壓大，愈逼就愈做唔到，未經歷過係唔知，(咁你當時好大壓力？)係啊，因為兩年先得到，我唔會催圓圓，順其自然啦。(有無教佢點做好人妻？)每個人唔同，無得咁講。」
談到早前古仔接受訪問，笑言若開拍第三集可變成他跟吳彥祖一對，吳彥祖聞言一口答應，直言也非第一次扮同性戀，甚至早過電影《斷背山》播出：「反正古仔個人好濫，(要錫你都得？)錫就真係未試過，可以試下。」
圓圓此時透露早在第一集時，就有網民將海報原先是古仔、吳彥祖親吻她的吻變成兩個男人錫錫，吳彥祖笑說也有見過：「我睇完仲問搞咩啊?」圓圓稱若真的要演同性戀角色亦沒問題，因為也是演員而已。
|
放大圖片
