放大圖片
(第一場)「麟轉乾坤」上仗笠個眼罩上去立即有截然不同之演出,在此程擊敗「宇宙駿駒」贏馬,四歲馬終於找到致勝竅門,勝後加五分不算多,可乘勝追擊。
(第二場)「執子之手」上仗落在雷神手中當堂成隻馬唔同晒,贏馬姿態大把在手,果真人夾馬緣,賽後一直操而不戰,等到勝途再報名,擺明有連捷決心。
(第三場)「仁愛之友」季內兩戰俱接近,上場表面跑第七,實際只輸俾頭馬不足一乘,證明現時評分伺機可進取,今場對手唔算強,全力一戰可爭取勝利。
(第四場)「馬主光輝」上賽竟能以老制幼凱旋而歸,八歲老馬仍有咁強戰鬥力確實難能可貴,勝後休息足夠,體力又回復旺盛,繼續攻強項,有添食誠意。
(第五場)「百戰百勝」剛戰檔曳兼遇�蚨C步速不利追,但直路仍能以全場最快之拉士追近,僅輸頭馬不足一乘,表現絕對夠晒說服力,今次形勢轉好,應可本利歸還。
(第六場)「大把世界」季內兩戰先季後冠,剛戰在泥地同程大勝「卡通飛飛」兩身位確犀利,七歲老馬大器晚成,現評分未見頂,分分鐘唔信又一鋪。
(第七場)「旅遊大哥」上仗轉廄初出,賽前冇大閘,完全唔似馬房一貫作風,擺明是旨在測試性質,省過一仗復課工夫唔同晒,備戰轉趨積極,是動食指省招牌時候。
(第八場)「一見鍾情」上季在此程兩勝已是實力佐證,雷神繼續唔放手,甚至乎連內圈都親自踱埋,重視程度不言而喻,而剛戰只輸在際遇,與馬匹實力無關,熱身後有力重振聲威。
|