 放大圖片
第一場、第四班、一六五○米。「無敵」前季可說是來港後最威一季，連掃三場頭馬及兩場位置，先在四班贏泥地一哩；之後上到三班擊敗泥地好手「香檳歲月」再捷；相隔一場後轉到谷草千二米壓倒兩匹路程專家「好利佳」同「四季星」再添一Ｗ。就呢三場可以看出隻馬只要跑出威力，要喺三班贏馬絕對冇問題，現評分已跌至新低點，對住一群四班弱手，應是翻身時候。
第五場、第四班、一六五○米。「好嘜」今季乃第四季在港服役，之前每季例有一Ｗ，首季於三班田草千六米擊敗「威猛」；前季於四班此程壓倒「勝利雄心」；上季就轉到泥地搵食，於一哩輕勝「陽光王子」。呢三仗都出自唔同場地，擺明屬馬房搵銀馬，剛戰於同程排十二檔沿途走三疊，蝕盡形勢都輸唔遠，今場排四檔對手又唔係咁強，計本身曾贏三班，正是一年一度燕歸來的好時機。
第六場、第三班、一二○○米。「揮闖」來港後跑咗十一場都仲未贏馬，不過上季第二仗出戰二班一千米直路賽，雖然以五個幾身位輸俾「崇山寶」，但僅鬥輸俾「川河猛駒」而跑得季軍，後駒之後在二班補中，而在「揮闖」身後過終點的「大寶藏」、「熊英雄」、「美麗昇華」都是識贏之馬，反映賽事水準唔差，「揮闖」現評分已落到三班下游，攞住呢場賽績已經有一爆能力。
|
放大圖片
