 放大圖片
■容祖兒
香港文匯報訊（記者 梁靜儀）容祖兒、鄺祖輝及時裝設計師何國征等，昨日到赤柱出席《粉紅高跟鞋慈善競跑比賽》，已第三年出席活動的祖兒，昨日因腳趾受傷，所以有着高跟鞋落場，只負責剪綵。祖兒表示身邊也有朋友曾患上癌病，幸好及早發現並已康復。有感健康重要，祖兒表示現在連零食及汽水都已戒掉。
明日是蘇永康結婚的大喜日子，祖兒表示當晚會去飲，又透露男友劉浩龍(師兄)會做兄弟。問到她會否再搶花球？她笑道：「又搶？當然啦搶花球咁高興的事，如果有的咪要囉，不過都搶到好幾個。(怕師兄有壓力？) 所以就唔使啦。」除了祖兒外，有傳當晚出席的謝霆鋒會攜同王菲，許志安就攜同鄭秀文出席，問到祖兒之前有冇試過這聚會？祖兒說：「無喎，無見過喎，只聞樓梯響，(想不想見下？) 當然開心啦，到時隻眼梗係望住謝霆鋒個樣啦，霆鋒開心係我一直夢寐以求的事，佢平時好chok，今次應該收埋，得一個幸福樣，肯定好精彩。」問到是否很少見王菲？祖兒表示有見過，但同霆鋒一齊就未見過。難得三代天后同場，有人建議祖兒集郵，祖兒說：「多謝！多謝！自自然然啦，傾到偈咪偈囉，呢晚一定會星光熠熠。」
|
放大圖片
