 放大圖片
■衛蘭偕鄭秀文合唱《默契》。
香港文匯報訊（記者 梁靜儀）衛蘭（Janice）於紅館舉行一連兩場的《衛蘭 Janice Walking To The Future Lice2014》，前晚已順利舉行，當晚並請來天后級人馬鄭秀文（Sammi）做嘉賓，台上Sammi更自爆雖然瘦，但跟Janice同樣愛偷吃薯片，令到Janice羨慕不已。
當晚前往捧場的圈中人有林建名與契女戴夢夢、盧敏儀與老公孫敬安、應昌佑及AGA等，而Janice的老闆黎明，兩場均不見現身捧場。人緣不俗的Janice，除了邀得好友欣宜及JW連續兩晚擔任嘉寶賓外，尾場更請來Sammi擔任嘉賓，Sammi與Janice合唱《默契》，合唱完更來個抱抱。
Sammi又提到幾年前上Janice屋企，找她的妹妹衛詩（Jill）做事，當時她就問阿Jill：「你家姐喺邊呢？阿Jill答我話家姐喺房，說時遲那時快，突然間就喺走廊，見到衛蘭頭鬆鬆咁飄過，佢同我就say hi，跟住就入返房，乜佢咁對朋友，好歹都行出來打個招呼呀，當時我就諗，呢個女仔真係好有自己個性喎，現在諗返轉頭，自己都係咁，對住陌生人係好慢熱嘅人，同埋可能佢那天冇洗頭。」Sammi指剛才在後台等出場，聽到Janice唱歌，真的很好聽，而日前她同行內一個音樂人傾開，對方也讚Janice是全行聲線最甜美的。
Sammi又自爆雖然身材瘦，但跟Janice一樣鍾意偷食薯片。Janice就羨慕地說：「但你好瘦喎？教我點樣可以瘦啲。」Sammi亦禮尚往來讚Janice都瘦了很多，但Janice自覺可以再瘦多些，Sammi就笑道：「咁又係嘅。」
為了演唱會積極減肥的Janice，唱完最後一首歌時，接過單立文拋給她的薯片後即時打開吃了一塊，更開心得跪在地上，現場有歌迷即乘機送上零食及握手。
完騷後，Janice出席慶功宴，問到她在台上食著片，是否忍了很耐？她笑說：「忍咗三個月，係豹哥(單立文)拋畀我，我應承過自己完騷一定要食。（之後仲會keep住？）會呀，咁辛苦減咗十幾磅，唔想畀自己再肥番。」
坦言想黎明捧場
提到黎明連續兩場都無現身捧場，Janice說：「我唔知點解，無機會問，(無打畀佢？ )因想專心做好演唱會，(可會失望？ )個心入面想佢來，但佢來唔到唔緊要，（驚佢嬲你？）唔會啩，肥過電單車那句都知講笑，當gimmick 啫，好多謝佢畀到今次演唱會概念畀我哋。」
談到完成演唱會後是否開始談續約？Janice表示想放兩個月假去想下一步，打算與妹妹去埃及。至於公司可有跟她去傾？她指公司都是完騷後再睇下有甚麼商量。問到她自己的取向又如何？她說：「始終合作咗咁多年，想同佢哋傾新目標。」問到會否怕日後不續約被指反骨？她指跟公司好好關係，相信最後有任何定向公司都會支持她。她又承認有其他公司向她招手，但沒有深入去傾，首選仍會留在現公司。
另外，問到為何不邀請妹妹衛詩上台，是否因公司不准二人同台？Janice否認道，指妹妹身處上海工作。
|
