 放大圖片
第六場､第四班､一八○○米。「龍騰虎震」均速中長途馬，上季無功而回，今季減至四十七分低位起步，終在前仗於李富胯下出爭此程爆出半冷W，並替騎者打開今季勝門；贏馬後再戰此程，七檔起步居中競逐，到落山階段發力太早，以致尾段乏力，最後只負個半身位得第五；今回沿用李富抽五檔易搵遮擋，慎防今仗冷門反底。
第七場､第三班､二二○○米。「強中堅」一向喜冷出擊，上季中喺谷草千八郁手，在安國倫胯下後上爆冷W；剛賽角逐谷草千八，在潘頓胯下後上一度透出，最後力戰只跑梗頸。拚後馬房以慢踱備戰，練者今次刻意報爭二千二長途，慎防博你唔信施放冷箭。
第八場､第三班､一二○○米。「歡笑多多」李廄短途搵食馬，上季初出即在田草千二爆半冷；今季三戰，跑得最近係前仗田草千二，擺前走跑獲第四；上仗敗後復課仍見正常操練，今次練者揀番谷草千二誓師，配艾兆禮排四檔起步搶放，隨時冷門殺攤。
|
