 放大圖片
今期六環彩有逾二百二十萬多寶，就算中正獎相信派彩亦不會乏味，值得動一動腦筋。 第四場「自成一格」前季曾經在同程取得三連捷，今季經兩場熱身賽之後，剛戰在同程追獲季軍，取得今季首場上名紀錄，今次抽到一檔有力重開勝門。「萬眾期待」上仗同程大勝對手接近五個馬位，可見出戰此程威力特強，只要跑出應有水準，仍屬爭勝主角。
第五場「海之濤」季內曾勝同程，今仗同場前速銳利之馬不多，此駒大有機會自造步速，一放到底絕對不出奇。「金紫荊」今季三戰全有獎金收，復課狀態有增無減，留放得宜有力勝回一仗。
第六場「活力歡騰」剛於谷草一哩彈甩對手取勝，證明谷草一樣掂，續配莫雷拉可謀添食。「友運行」季內兩戰均排外檔，改用留後跑法大敗難作據，今仗強配柏寶兼有一檔之利，相信會用回贏馬時的前置型跑法，坐位望贏可以做到。
第七場「無敵猛將」剛於同程上名，只負於頭馬頸位之微相當不值，今仗抽到黃金一檔形勢比上仗更佳，只要步速正常可以收復失地。「爪黃飛電」上仗抽到大外檔不利搶放，結果放完三段之後收工，今仗排內檔只要把握得好，有力打開勝門。
第八場「天長地久」今季大熟大勇已經取得兩捷，今仗唯一缺點係由長途縮程跑一哩，以及轉跑谷草，不過此駒上季已經有過谷草經驗，今仗由麥道朗接手，隨時可完成三捷。「紅簿仔」上季兩捷全在同程取得，今仗抽到蘇銘倫執韁威力必有增無減，乃前駒心腹之患。
第九場「帝聖好好」上仗初配艾兆禮一放到底，在同程取得今季首場頭馬，勝後只加六分阻力不大，今仗原庄配搭再上征途，雖然抽到大外檔，但同場有速度搶欄之馬不多，此駒仍有力爭取連捷。「遊俠兒」唯一頭馬由杜滿萊取得，騎者日前親試大閘掄元，故劍重逢又可再顯威力。
|
放大圖片
