 放大圖片
■焦媛(左)強調當年不是第三者。
香港文匯報訊 焦媛亮相有線高清娛樂台愛情紀實節目《往事．並不如煙》，與主持楊思琦暢談愛情觀。
焦媛入讀香港演藝學院期間，因參與學校音樂劇演出而和高志森結緣，後來被對方招攬，組成劇團。二人漸漸墮進愛河，一直拍拖至今，不過戀情開始時卻遭阻撓，她更被指摘是介入高志森婚姻的第三者。她解釋：「當時外界傳我係『小三』，其實我同高生一齊的時候，佢已經同前妻離咗婚，只不過佢無特別對外公佈；當時我都無特別唔開心，因為我知道佢對我好就得。我覺得兩個人喺最艱難的時候，反而感情係最好。」
焦媛當時因「小三」緋聞而成為城中話題人物，受盡輿論壓力，並因其他人的閒言閒語而感到沮喪。「其實傳媒對我已經算係唔錯，我只不過上過一、兩期的雜誌封面，事情過咗去就無特別再提。反而我最大的壓力係來自劇壇，同我合作過的演員、幕後工作人員，佢哋反而係最多嘢講、最多是非。」
焦媛指無論是事業或愛情上，高志森都教曉她不少事，她更大爆決定演出情慾戲時，男友知道後沒有反對之餘，還鼓勵她要去到盡。「我之前挑戰演大膽的情慾戲，其實都係佢鼓勵我去試下，佢仲同我講『千祈唔好就住，要做就一定要做到最好』，令我更放膽去演繹。」
焦媛和高志森經常分隔異地，被問到如何維持感情，焦媛說：「我覺得信任好重要，我哋都相信對方唔會出去拈花惹草，先能更專注事業。雖然我哋各有各忙，相處時間比較少，但係小別勝新婚，反而令我哋更珍惜一齊嘅時間。」
|
放大圖片
