 放大圖片
■吳雨
香港文匯報訊（記者 梁靜儀）唱片業協會IFPI主席吳雨，昨日率領洪杰、糖妹、Hotcha的Regin（張惠雅）以及小肥、天堂鳥同柳妍熙等多位歌手，出席第二屆「微電影『創＋作』支援計劃（音樂篇）」啟動禮，吳雨表示是次比賽對行界的幫助好大，讓年輕人有機會發揮創意，同場大會頒發第一屆創作大獎各個獎項，張惠雅奪得第一屆「最佳微電影製作大獎」銀獎兼「最受歡迎微電影」得主（歌手）兩個獎項。
反對為利益才出席
多個樂壇頒獎禮舉行在即，對於盛傳環球及太陽娛樂將不會出席無綫《勁歌》頒獎禮？ 吳雨說：「咁唔知喇，英皇就會出席各大頒獎禮，好似廣州個《先鋒榜》咁，我哋都好好成績。（傳謝安琪對賽果感不快？）咁唔關我事，不願置評啦，我哋就好開心。」問到可睇好容祖兒在《勁歌》冧莊「最受歡迎女歌星」？他坦言：「都希望，不過係要公投，我哋盡力，（會否爭取祖兒出席？）我唔清楚佢係咪唔出席，我哋希望所有藝人都出席頒獎禮。」他又稱一首歌的成功，除了歌手外，背後的一班團隊都很大功勞。
對於今年的樂壇頒獎禮很多人都表示不會出席，吳雨就慨嘆：「個個都唔去嘅話會樂壇好凋零，間間都為利益先去就唔係咁好，同行有無獎都要支持，以前無論有幾大嘅歌星都會濟濟一堂，雖然依家市道唔好，都想大家出席熱鬧啲，個個都唔去咁唔使搞啦，我哋英皇年年都好支持樂壇頒獎禮。」
|
放大圖片
