 放大圖片
■鄭秀文演唱會前晚請來張家輝當嘉賓。
香港文匯報訊 「Touch Mi鄭秀文世界巡迴演唱會」12場跨年演唱會，前晚進入第9場演出，這晚星光熠熠有不少嘉賓到來捧場，有舒淇、莫文蔚、何超儀、黃又南、俞琤等。至於演出嘉賓則有張家輝，鄭秀文（Sammi）將自己及家輝的朱古力腹肌靚相放在大熒幕上，並大讚是家輝激發起她勤練腹肌。
Sammi在29日小休一天，養精蓄銳地繼續餘下三場演唱會，這晚的表演嘉賓請來張家輝，當家輝出場時Sammi笑說：「係咪覺得今晚抵睇呢！你又話嚟唔到！」Sammi表示很想重溫家輝的16嚿腹肌，在大熒幕播出一張家輝半裸肌肉照片，及一張Sammi的結實小腹肌相片，Sammi又抵死問家輝點解不用乳貼，她大讚家輝好勁，因為她曾對家輝表示年底的演唱會很想自己操到這樣fit，她笑謂：「我當然唔夠你手瓜勁，我啲手瓜只係田雞仔咁細！」但家輝搞笑說：「我哋拍戲嘅時候我見到你啲身材，呢種身材得幾種人可以擁有，第一種係打MMA，不過我諗你唔係，第二種係響馬路見啲阿姐用布冚住個頭，仲抬住支工字鐵嗰啲，第三種係擁有咁嘅身體人只有一個天后，就係鄭秀文，不過我覺得你似第二種人嗰隻！」 Sammi說：「為咗報答你，當然唔夠你嚟，不過對女仔嚟講算唔錯，我仰慕你先做得到！」家輝覺得其實他與Sammi是同一類人，做事說了就要做，有時又會糟質一下自己，這是一個成功人士必需要有的元素。Sammi大聲問觀眾：「我哋係咪好成功呀!」她又表示，家輝教她要有腹肌及坑紋，體脂一定要很低，所以真是好不容易才能做到。家輝自言一場來到不能不唱2句歌，於是他七情上面地唱了兩句：「叮噹 叮噹，震破腦袋，叮噹 叮噹，有個愛海。」令現場觀眾及Sammi均笑爆嘴，唱罷家輝便拖着Sammi返回後台。
|
