 放大圖片
■千嬅單膝跪城城，城城亦搞笑陪她跪。
香港文匯報訊 「楊千嬅 Let's Begin 世界巡迴演唱會2015」前晚在紅館踏入第三場。千嬅老公丁子高和好友阮小儀等人在觀眾席支持。郭富城擔任表演嘉賓，為此，千嬅苦練舞技，與城城jam舞。
千嬅當晚在鳴謝台前幕後期間多謝老公，她更搞笑說：「你哋唔好睇佢平時無乜嘢，佢對我好苛刻嚴謹㗎，竟然係佢鞭策得我最勁啊！」她隨後自爆「靈異事件」，並故作神秘地說：「前日我老公要跑馬拉松一早返屋企，我完騷返到屋企佢已經瞓咗，我坐喺床尾嘅地下聽歌記歌詞，突然有隻手拍我，我擰轉頭見到我老公好疑惑咁篤我膊頭，然後兩個人就互相嚇到大叫！原來佢喺我後面嗌咗我15分鐘，但我一直伏喺床尾自言自語又搖頭擺腦，聽唔到佢嗌我，佢仲話我個人仲好似撞邪、鬼上身咁！」全場爆笑。
親見千嬅秘密練舞
「安哥」部分，「舞台皇者」郭富城從台中機關升起，全場都站起來大合唱《對你愛不完》，並一齊做出經典跳舞手勢，場面震撼！唱畢，城城對觀眾說：「點解我揀呢首歌？因為我知道千嬅好幸福，有你哋支持佢，所以對你愛不完，所有支持千嬅嘅朋友永遠都咁愛佢！」城城又大談對千嬅的印象：「佢好開朗，好搞笑，講一句佢就笑好耐。千嬅仲係影后，佢歌唱得好，戲又演得好！」他又爆料指千嬅秘密練舞，他說：「千嬅真係好勤力，佢喺我排舞室練習，有一日我返到去做自己嘢，聽到佢間房傳來好熟悉嘅音樂，原來係我嘅歌喎！」城城之後大跳《狂野之城》，跳到中段，穿上黃色長褲的千嬅從舞台另一端升上台與城城jam舞，全場high爆！
合唱後，千嬅感謝城城專程從內地（拍戲）趕返港做嘉賓，她說：「人生之中，工作上城城係一個個好好嘅模範，係我好尊敬和尊重嘅藝人，我現場睇你每一個騷，都好有力量，好有毅力，係作為後輩好好嘅學習對象，請受我一拜！」千嬅隨即單膝跪地，城城亦搞笑陪她跪。
|
放大圖片
