 放大圖片
■君如欽點劉浩龍、BabyJohn和姜皓文演「三色鴨」。
吳君如去年以38G巨乳演賀歲片《金雞 SSS》贏到開巷，成香港去年的華語片總冠軍，今年再下一城竟反串做「金鴨」，聯同蔡瀚億（BabyJohn）、劉浩龍（師兄）和姜皓文在戲中扮演的「金銀潤三色鴨」，各有不同的女顧客。
吳君如一向形象百變，今年反串做「金鴨」，造型上花了不少功夫，好似減磅和紥胸。當然，君如扮男人的型仔程度絕對不比同場的一眾型男輸蝕，也最能滿足自己的心態。
「去年扮38G巨乳已經好滿足自己，咁我都係女仔，如果我真係有咁好身材都唔Mind，一個投射。今次做男人是一個突破，為咗角色我有減磅，但發現瘦唔着數。外形上我都要靠特技化妝幫我，好似要黐喉核、眼眉、腮骨，鬚根同鼻樑，樣樣都要整吓先似男人，拍攝期間不斷麻醉自己是一名『型男』，如果你問我似唔似男人，自覺形似。有一部分要跳舞，仲係覺得自己唔似男人，好似差些嘢，後來喺拍的時候在下面加嘢，變得好充實。片中有好多嘢，都只有自己敢做，例如我可以盡情去摸陳妍希，他們其他男生都不敢，我比男人更鹹濕。摸的過程，如打麻雀洗牌，個個都好好feel。做男人維持咗兩個月，拍完要做返女人，竟然好唔慣，所以扮男人好正啊！」
陳可辛堅持拒客串
雖然去年《金雞 SSS》成為華語片總冠軍，今次君如再次碌盡人情卡，率領廿多位圈中紅星包括陳奕迅、容祖兒、黃秋生、謝霆鋒、甚至人氣偶像鹿晗等助陣，加強電影氣勢。君如坦言基本上每位紅星都是一個電話打去問，然後就好爽快地答應來幫手。記者笑言最可惜就是君如的另一半陳可辛沒份客串，君如立即耍手say no。「好多朋友都是一個電話打去，冇收錢就來，他們話『你畀我都冇乜意義』，當然有些都因為時間就不到而沒答應。陳可辛死都唔肯拍，個韓星就最貴，每次出現都要6個保鏢，拍的過程都調虎離山咗好多次去避啲fans。但港產片靈活性大，好多原因去推動自己去做，希望各自有各自發揮的空間，下年再拍，可能搵返他們3個拍『雞同鴨講』。」
BabyJohn感謝君如賞識
對於被君如欽點做戲中「三色鴨」的BabyJohn、劉浩龍和姜皓文，這分別代表「金、銀、潤」，師兄則表示為了這個角色，事前不停做運動減肥，因為要做好這隻「鴨」和保持Chok的狀態，下年有機會仍可繼續做鴨。BabyJohn則表示感謝吳君如的賞識，他說：「我邊夠佢咁靚仔咁型喎，我都要跟佢學習。佢見過咁多靚仔，都搵我加入『鴨仔』行列，真係好多謝佢教我咁多嘢。」
採訪：植毅儀 攝影：劉國榷
化妝：Medico Chu
髮型：Yoyo Hui @ Hair Culture
服裝：3.1 Phillip Lim（吳君如）、IZZUE/I.T（BabyJohn）
鞋：Jimmy Choo 場地：紅磡都會海逸
|
放大圖片
