 放大圖片
第二場、第四班、一○○○米。「駕聖」今季跑咗六場，除上場大幅增程輸得較遠之外，其餘五場都在二至五名之間而回，表現最好一場是首戰於黎海榮胯下出戰此程，與廄侶「海之濤」單打獨鬥僅敗得亞軍，跑第三的「勝利寶石」其後添兩冠一亞，當中有場勝仗更是於三班擊敗「愛寶」，由此伸算「駕聖」即使實力唔夠三班，但於四班亦夠用有餘，是有吼冷價值。
第七場、第三班、一六五○米。「好愉快」雖然至今跑咗四場仲未贏馬，不過今季首戰在谷草1200米跑得亞軍，與頭馬距離只是一條頸位之微，而季軍「百戰百勝」其後於同一路程擊敗實力指標「天時駿駒」同埋「摯友無敵」補中，反映「好愉快」在三班要贏馬只是時間性問題，近兩場之所以未能有連貫性演出，相信是失去新鮮感，現時中距離才適合性能，今場增程絕對有一爆之力。
第八場、第三班、一二○○米。「鴻圖戰士」上場成功走出谷底，於同程排一檔，早段留守好位，在最後二百米望空即迅速彈離對手，雖然締造時間一般，但觀乎亞軍「回鄉更好」再出即補中，及第五名「春意溢然」再出兩場連續上名，反映「鴻圖戰士」呢場頭馬水準絕對唔能夠睇輕，今次跑高一班負磅比起上場少十一磅更好跑，而且五歲仔有機會開竅後從此轉運，有分頭可以博多鋪。
|
放大圖片
