孖寶我有計：勇戰田泰安合拍

放大圖片

今晚谷草舉行九場賽事，戲碼不俗，尤其低班賽的實力馬較為突出，相信會有正路賽果出現。

第一場、第五班、一二○○米。「勝捷勝」上兩季五次配潘頓上陣，取得兩冠兩季一第五，次次有獎金收，雖然十二月底曾因右後腳傷口流血閘前退出，但其後相隔兩日已經可以復課，並操多兩個月才再上征途，誠意十足，決心在今仗贏馬交代。「歡喜」前仗刷新班際紀錄在同程大勝而回，剛戰縮程排大外檔亦差點放到，今仗重返強項路程，換上呂卓賢執韁，只要出閘順利大可輕鬆放返。

第二場、第四班、一○○○米。「勇戰」近兩仗轉跑同程後取得一冠一亞，今仗續由開齋功臣田泰安執韁，馬房近期當旺，力足添食。「駕聖」季初兩戰同程獲一亞一殿，其後轉路程及場地均表現普通，今仗終於重返此程，繼續交由嫡系騎師黎海榮操刀，加上同場對手實力不算強，跑出水準可坐位望贏。