 放大圖片
目前馬主群中好多都唔賭錢，佢哋部份志在參與一心拉埋家人聚吓，當然亦有為擴闊生意範疇，咁如果本身有宗教信仰，又應唔應該加入賽馬圈子？如果有人問，答案不置可否，事關跑馬惠及社群，養馬唔一定投注，就算投注某程度上都係做善事，如果人人唔落注，馬會冇佣抽，又何來慈善撥款？「觀自在」馬主鄭應炎喜好低調，這位富豪過去捐獻俾中文大學數以千萬計，鄭應炎在馬場戰績彪炳，「觀自在」跨季五場非冠即亞，今次轉到谷草對手大幅減弱，一哩途程亦合發揮，機會秤先。對手方面，「黃金宅男」上仗季內初出熱身性質，此程七戰共得三冠一亞軍路有專長，賽前曾試谷閘掄元狀態佳，有力威脅。「定做領袖」季內先後三戰，上仗爭此程得第七輸兩位半有進步，試準再來可冷敲。「甜城效應」季內七戰，前仗贏田草千四米，上仗加程谷草一哩照入位，狀態大勇捲土重來可作配。
|
放大圖片
